Saturday, October 6, 2007

اسبوع فى نجع حمادى

قبل اسبوع وبالتحديد يوم الخميس رن تليفون بهلول المحمول وكانت المكالمه من اهله فى نجع حمادى حيث اخبره المتحدث ان والدته مريضه جدا وتتطلب رؤيته
ودق بهلول نفير السفر استعدادا للذهاب الى الصعيد وسافرنا فجر الجمعه الى نجع حمادى
وكانت تلك اول زياره لى الى الصعيد حيث يوجد اصول عائلتى انا وبهلول
وكان بهلول قد سافر كثيرا الى هناك وقد ولد وترعرع هناك واخذ الثانويه العامه من هناك
اما انا فكان مولدى قاهريا وحتى والدتى قاهريه المولد
المهم ركبنا القطار المتجه الى الصعيد وانا احلم برؤيه الصعيد كما رايتها فى فيلم الارض وفى الحرام وفى صراع فى الوادى
ولكن بهلول اخبرنى ان كل شىء قد تغير تماما فانتظرت القليل حتى احكم بنفسى
وصلنا عبر طرق ممهده الى باب المنزل حيث كان هناك حشدا كبيرا من اهلنا فى الانتظار حتى احسست اننا مشهورين جدا
وكان نصيبى عده قبلات حاره من نساء لا اعرفهن مطلقا وكل واحده منهن امطرتنى بوابل لا بأس به من القبلات واعترف وبلا حسد انهن كن نساء قويات جدا حتى اننى احسست ان البلد مازالت بخير
ولم تكن النساء وحدهن ولا الرجال هم المرحبون بنا فقط وانما جيوش من الحشرات تركت الكل واخذت ترحب بالضيوف فقط حتى اضطررت للذهاب لاخذ حمام اكثر من مره
واطمئننا على صحه ام بهلول حيث اصابها مرض نطلق عليه هنا لقب البرد او الانفلوانزا
المهم لم القى بالا حيث ان صله الرحم مهمه جدا
وبعد يومين عزمتنا خاله بهلول على الافطار وكان منزلها على بعد عده كيلو مترات داخل الاراضى الزراعيه ولم تكن هناك وصيله للمواصلات سوى الحمير
ولكننى رفضت رفضا مطلقا ان اركب حمار
فقالوا لى ان ملابسك القاهريه وجزمتك لن ينفعوا فى الطريق
وتحت اصرارهم قمت بتغير ملابسى وارتديت حذاء نسائى بلاستيك محلى الصنع ولسه بخيره لم تمدت اليه يد الصين ولا تايوان بعد
ذهبنا فى ركب من خمس سيدات وثلاثه رجال واطفالنا واصر بهلول على ركوب الحمار
واخذ يجرى ويلعب بالحمار وفاكر نفسه صلاح الدين الايوبى واخذ يركض ويعود الى ان وقع على الارض وكان من نصيبه عده ضحكات مكتومه من النساء وكلمات مثل اسم النبى حارسك ياخويا...وما يقع الا الشاطر...وحوش اللى وقع منك
المهم سيده بروح رياضيه عاليه اخرجت الكره خارج الملعب لعلاج اللاعب المصاب وقام ابن عمه بعمل الاسعفات الاوليه لبهلول وكنت خايفه جدا على بهلول ليس بسبب الوقعه وانما بسبب العلاج الطبيعى من ابن عمه حيث كان طوله اكثر من مترين وعشر سنتيمتر وكانت كفه يده مثل كفه الميزان وكان بيفرك رجل بهلول بضمير
الى ان صرخ بهلول وقال له بالراحه يا همام انت فاكر دى رجل زى رجلكم
وضحكنا جميعا
واصر بهلول على ركوب الحمار مره اخرى
وركب الحمار واخذ يستعرض اكثر من الاول
وكل القافله تقول له خلى بالك يا بهلول الى ان وقع مره اخرى فى قنايه ميه وهنا تعالى صوت الجميع منن الضحك الا انا فكدت اموت من الغيظ على هذا الرجل الطفل
ولم يجد ابن عمه مفر من خلع جلبابه واعطائه لبهلول واخذ جلباب بهلول
فكان الاثنين بهاليل
بهلول فى جلباب اكبر منه والاخر فى جلباب مثل جلباب سعيد صالح فى مسرحيه العيال كبرت
واصر بهلول على ركوب الحمار ولكن ابن عمه كان اسرع منه حيث ضرب الحمار وامره بالعوده الى المنزل وفعلا هرب الحمار وكأنه يهرب من بهلول وشقاوه بهلول

114 comments:

bocycat said...

يا بهلولة خللى الراجل يعيش سنه شوية ويستعيد زكرياته فى نجع حمادى ده ركوب الحمار متعة ما بعدها متعة اسألينى انا .. سلام يا قمر

ftataljanna said...

معلش يا بهلولة
ما اظنش انك لما اتجوزتى بهلول ما شفتيش روح الطفل دى جواه اكيد كانت ظاهرة واكيد كانت موجوده

وبعدين صدقينى لو ماكانش انتى عندك القدرة على التعايش مع طفولة بهلول دى ماكنتوش اتجوزتوا

وصدقيني ساعات الحكاية دي بتبقى لذيذة اوى بتلاقيهم عاملين كده حس للبيت زي ما بيقولوا يعني حركة وهيصة عاملين جو لذيذ للبيت الناس اللي بتكون شخصيتهم كده

واراهنك (مع ان الرهان حرام (

ان لو بهلول غاب يوم عن البيت هاتحسي بفراغ رهييييييييييب

وما جمع الا ما وفق صدقيني ربنا كتب لك اكتر حاجة تقدرى تتعاملى معاها

الحمد لله

اشوفك فى البوست الجاى ان شاء الله وهاتوحشيني :)

آلام وآمال said...

ههههههههههههههه
هههههههههههههههههه

ماشاء الله عليك يا ساتاذ بهلول الايوبي
والله خلتوني عايز اركب حمار انا كمان واجرب
بجد انا لو كنت مكانه مكنتش اتنازل ابدا واسيبهم يمشو الحمار كنت هصمم اني ااقضي السفرية كلها ركوب ع الحمار

بجد واله ضحكتيني من قلبي ربنا يكرمك انتي واستاذ بهلول
ومنتظرين بقى البوست بتاعه واللي اكيد هيحكيلنا عن مغامراته اكتر مع الحمار والناموس
:D :D

osama said...

ههههههههههههههههههههه جميل اوي البوست .. وجميله جدا تصرفات بهلول الانسان فعلا لازم يعيش المرحلة البهلولية دي عشان تعود البراءة اليه كفاية بقى الحياة الرتيبة المعتادة الحديدية ...
دمت بكل ود ...
خالص التحية

طال الليل said...

مش سر يعنى حكاية الطفولية اللى بتكلبش فى عقولنا معشر الرجال
برافو بهلول
من زمان وأنا بحاول أبين مشاعر الحنين للطفولة بس بخليها بعيد عن الناس معارفى بس من النهاردة هحاول أتجاهل صوت السكون

ربنا يحفظكم لبعض وتعيشى وتشوفى مغامرات بهلولية

Desert cat said...

ههههههههههههههههه
تصدقى انا متخيلة المنظر
وعمال اضحك طول وانا بقرا البوست
ربنا يسعدك يا جميل زى ما ضحكتينى
معلشى بقا بهلول كان نفسه يركب الحمار واهو ربنا حقق له الامنية علشان كدا ما صدق يركبه ومش رضى يسيبه بالرغم من المرتين اللى وقع فيهم
سيبى الراجل براحته بقا
خليه ياخد نفسه
كل سنة وانتى طيبة

حياة الأحلام said...

السلام عليكم

أزيك يا بهلوله حمد الله على السلامه وألف سلامه ربنا يشفيها ويعافيها

وبجد ضحكتينى فى حكايه الحمار دى هههههه هو ده اللى بيقولوا عليه العوده الى وضع الطفوله

أنا كمان بخاف من الحمار مع أنه طيب تصدقى والله بس مشيتى كل ده والحشرات كمان دى مميته هتقوليلى عليها لما بروح البلد بتاعتنا برضه

كنتى خدتيها فرضه وركبتى الحمار وراه وتخليه حصان ودركن دركن

عموما رحله سعيده وخلى بالك من بهلول وجلبيته

تحياتى يا قمررررررررر

رئيس جمهوريه نفسى said...

صباح الفل على اهل الصعيد والنبى سلميلى على بهلول جنبك اصلى طلعنا بلديات انا برضو متربى فى نجع حمادى
بالنسبه لركوب الحمار ده شى عادى جدا ولما اخلص البوست حدور ليه على واحد :D
اعتقد انتى شفتى نجع حمادى المركز بقيت عامله ازاى اعتقد انى منها مناطق زى القاهره بالضبط ومش كل الصعيد زى ازهار والمسلسلات العبيطه بتاعت الدراما المصريه

Yahia said...

بوست جميل قوي، بس على فكره اللي عمله السيد بهلول ده كان لازم يلاقي عندك تحية وتشجيع ، أسأليني أنا ، الراجل بيحب اللي يحترم رغباته واتجاهات حتى لو انضحك عليه بس اوعي يحس بكده. تحب زوجتي انا اعاملها كملكه واشعرها بذلك واحب أن تعاملني كطفل ولا تشعرني بذلك. هي دي المعضله

تحياتي

بهلوله said...

bocycat
والله يا بوسى كات يا اختى
ميه فى الميه من التعليقات مؤيده للى عمله بهلول
لكن انا كنت فى غايه الاحراج من ضحك النساء عليه والغمز واللمز
وانتى فاهمه الاحراج
سلام يا عسل

بهلوله said...

ftataljanna
من ناحيه انى شفت فى بهلول الحاجات العيالى دى قبل الجواز
لا
ماكنش للدرجه دى
انتى عارفه ان فترات الخطوبه يتفنن الخطيبان فى عدم اظهار عيوبهم كلا للاخر
ممكن بقصد وممكن من غير قصد
يعنى البخيل بيحب يبان كريم
وسى السيد بيحب يبان ديمقراطى
والمهمل بيحب يبان منظم
وكده يعنى
وادينى شربت المقلب وخلاص
ومع العلم ان بهلول له مميزات
ولكن
قدر الله وما شاء فعل

بهلوله said...

آلام وآمال
احنا بنرحب بيك السفريه الجايه واركب الحمار براحتك
وابن عم بهلول فى الانتظار
يعملك دور كمدات بكفه ايده
اوعى
ولا تلبس الجلابيه بتاعته
يا سلام
شرفتنا جدا بتواجدك الدائم معنا

بهلوله said...

osama
المرحله البهلوليه؟؟؟
دى بتيجى فى سن كام
ده كل حياه بهلول مرحله بهلوليه
تعرف لغايه دلوقتى الكل مع بهلول
وانا اللى عايشه لوحدى
مرحب جدا بك
ودائما منورنا يا اسامه

بهلوله said...

طال الليل
تصدق انا اللى ابتديت احس من جميع التعليقات ان بهلول على حق
مع انى كنت ساعتها متضايقه جدا من بهلول
ولا يمكن علشان ضحك النساء ولا ايه مش عارفه
المهم اشكرك على الزياره المستمره التى ادعو الله ان تستمر معنا

بهلوله said...

Desert cat
قطه الصحراء يا غاليه
تصدقى بهلول كسب تعاطف الكل
تعرفى انا خايفه يقراء التعليقات يصمم يجيب حمار ويخليه هنا فى البيت
دى تبقى كارثه

بهلوله said...

حياة الأحلام
انا برضه اركب وراء بهلول الحمار
ده انا بركب معاه العربيه وانا خايفه
مع انه بيسوق كويس
ولكن هفه الطفوله ممكن ترجع له ويحاول يعمل اكوبات بالعربيه
بس تصدقى عمره ما عملها
الحمد لله

بهلوله said...

رئيس جمهوريه نفسى
تمام يا فندم
مع انى زعلانه منك اوى
لانك مش عاوز تعيننى رئيسه للوزراء فى جمهوريه نفسى
صدقنى نعمل شغل عشره على عشره
وكله بالقانون لانك محامى
المهم
انا فعلا شفت نجع حمادى المركز
لكن قريتنا بعيده جدا عن المركز

بهلوله said...

Yahia
انا من زمان قوى يا يحيى وانا بعامل بهلول كطفل
بس خايفه يسوق فيها ويقعد يرجع ويرجع لغايه ما نوصل لمرحله
وا وا وا

dina said...

والله انتى دمك زى العسل وزوجك كمان
ربنا يسعدك دائما يارب
وبعدين عادى لما يركب حمار ويقع مش تفكير اطفال ولا حاجه دى بتبقى روح حلوة
وجميل ان الشخص يتمتع بيها
انا سعيده جدا انى عرفت مدونتك
ربنا يسعدك دائما يارب
عيد سعيد
رمضان كريم

دينا حامد

mohand said...

السلام عليكم

كل عام وانتم بخير وإعاد الله عليكم الشهر الكريم بالخير واليمن والبركات

وجعل ايامكم كلها اعياد وافراح اللهم أمين

تحياتي
----------------
علي فكره انا كنت عايش فتره في الالمونيوم في نجع حمادي

يا تري زي ما هي؟

ما علينا said...

المهم تكوني قضيتي يومين حلوين

ويكون الجو عجبك
وواضح ان بهلول اتبسط

كل سنة وانتم طيبين
يا اجمل بهاليل في الدنيا
ربنا يسعدكم
ويعيد عليكم رمضان بخير دايما
ان شاء الله

عيد سعيد يا اجمل بهلولة

أمــانــى said...

كـل عيـد وانتم بخير واعاده الله عليكم وعلى الامـة الاسـلامية بالخير واليمن والبركات
يااااااااااااااااارب آمــــــــــــين

Soooo said...

موضوع ولا اروع بصراحه
بتفكريني بحكايتي لما رحت الصعيد ..
اصل انا من سوهاج .. ومتربي في المعادي
فلكي ان تتخيلي صراع الحضارات اللي حصل معايا




اضحك الله سنك يا بهلوله
سلام

بهلوله said...

dina
انا اللى سعيده بمعرفتك يا دينا
و ا دينا هنخش مدونتك ونتعرف عليكى اكتر واكتر

بهلوله said...

mohand
كل عيد وانت طيب يا مهند
واحنا طلعنا بلديات اهه
بس مقدرش اقولك هى زى ما هى ولا لا
لانى معرفش انت سبتها ازاى
مره تانيه
كل عام وانت بخير

بهلوله said...

ما علينا
من جهه بهلول انبسط
محكلكيش كان عمال يلعب ويجرى لغايه لما خلانى اخاف عليه من الجرارات الزراعيه
كل عام وانتى بخير
وعيد سعيد

بهلوله said...

أمــانــى
وانتى والامه الاسلاميه بخير
وانا فرحانه جدا بعودتك بعد رمضان
كل عام وانتى بخير

بهلوله said...

Soooo
سو يا سو
صراع الحضارات حبسوه
مرحب بناس سوهاج
وبأبناء الصعيد تما
وانا وانت
كل سنه وانت طيب والامه الاسلاميه بخير

الباحث عن الحقيقة said...

ونحن من جانبنا نحيى الصعيد واهل الصعيد
وحمير الصعيد اللى استحملت كتير
بس لازم يستحملونا زى ما احنا كمان استحملنا حمير كتير ولسه بنستحمل

كل سنة وانتم بخير والاستاذ بهلول والحاجة ام بهلول
بصحة وسلامة
واهدى سلامى الى ماما وبابا وتيته وطنط وعم هيثم بتاع العصير وعم تامر بتاع الفول وخالتى رشا بتاعة البليلة والحاجة روبى وسمعنى احلى سلام انا كل ما اقوله اه يقولى هو لأ

عازف الناى said...

بس معرفناش اللى مزعلك انه وقع من على الحمار ولا علشان وسخ هدومه
اتركى بهلول يفعل ما يريد
فقد خلقه الله حرا
فاتركيه يفعل ما يشاء
كل سنه وانتى طيبه يا اجمل بهلوله

نـــــــور said...

ازيك يا بهلولة

كل سنة وانتي طيبة يا قمر والصعيد عندنا نور بجد

بس كان حقك ركبتي الحمار انتي كمان مع بهلول :D

كل سنة وانتوا طيبين

بهلوله said...

الباحث عن الحقيقة
بسسسسسسسسسسسس
سمع هص
احلى سلام على طول السلام
لاجدع ناس جات ونورتنا
واديها ياريس التت
كل سنه وانت طيب
على فكره دمك ظريف جدا

بهلوله said...

عازف الناى
ازيك يا عم احمد عرابى
قصدى عازف الناى
نعم خلقنا الله احرار
وخلق لنا عقل
كل سنه وانت طيب

بهلوله said...

نور
ازيك يا احلى نور
اركب مع بهلول وانا شايفاه عماله يقع
متجيش طبعا
سلام ليكى ولكل اهل الصعيد الجدعان جدا
كل سنه وانتى طيبه

بهلول said...
This comment has been removed by the author.
بهلول said...

نسوان ايه يا مدام بهلوله اللى ضحكوا على وانا بقع من على الحمار
دول اهلى وناسى
عمتى واختى الكبيره هيضحكوا على برضه حرام يا بهلووووووووووووله

حسن ارابيسك said...

الحقيقة سلسلة جميلة لمجموعة قصصية
بهلول في الأرياف
ومقدمة جميلة لدراسة نقدية بين سقوط بغداد وسقوط بهلول
ومدخل جميل لمسلسل رمضاني لن أعيش في جلباب بهلول
وأعلان توعية جميل لتجنب بلهارسيا السقوط في الترع

شكرا على السؤال

ftataljanna said...

بقى لى كتير ما شفتكيش

وحشتيني

مش تسالى كده تشوفيني جرى لى ايه تطمنى عليا

بقا كده مااااااااااااشي

ماكانش العشم

المهم ما علينا من الهزار

بجد وحشتيني

bocycat said...

هى سفرية نجع حمادى بتخللى الناس تبعد عن بعض كدة فينك وفين الجديد

طال الليل said...

لا حول ولا قوة إلا بالله
رحمك الله رحمةواسعة يا أخت هدى

Doba said...

البقاء لله
انا لله وانا الية راجعون
ربنا يرحمك ويدخلك فسيح جناتة يارب
ويجعل قبرك روضة من رياض الجنة

Mohamed A. Ghaffar said...

البقاء لله

noda said...

البقاء لله عز وجل


الهمك الله الصبر والسلوان اخى بهلول
ولك وللاسرة خالصاالعزاء والمواساه

كنت اتمنى ان تكون زيارتى للمدونه وهى على قيد الحياه ولكن تلك ارادة الله
لله ما اعطى ولله ما اخذ

رحمة الله عليكى اختى هدى وجعك الله ممن يدخلون جنته ويتمتعون برحمته

زوجة الطائر الحزين

وام ابنائه
راجية عفو الله

bocycat said...

بهلول ربنا يصبرك ويعينك على اولادك .. فى جنة الخلد ان شاء الله يا بهلولة .. انا لله وانا اليه راجعون

мσнη∂ιš said...

لا إله إلا الله
إنا للع و إنا إليه راجعون

ما علينا said...

البقاء لله وحده

انا لله وانا اليه راجعون

اللهم اغفر لها وارحمها

الهم اجعل في ميزان حسناتها كل بسمة رسمتها على شفاهنا
وكل سعادة ادخلتها الى قلوبنا


البقاء لله

حياة الأحلام said...

اللهم أغفر لها و ارحمها و اعفو عنها و أكرمها

اللهم وسع مدخلها و ادخلها الجنة وأ غسلها بالثلج و الماء والبرد

اللهم يمن كتابها و هون حسابها و لين ترابها و ثبت أقدامها و ألهمها حسن الجواب


اللهم طيب ثراها و اكرم مثواها واجعل الجنة مستقرها و مأواها


اللهم نور مرقدها و عطر مشهدها و طيب مضجعها


اللهم آنس وحشتها و ارحم غربتها و قها عذاب القبر و عذاب النار


اللهم نقها من خطاياها كما ينقى الثوب الأبيض من الدنس


اللهم فسح لها في قبرها و اجعلها روضة من رياض الجنة و لا تجعله حفرة من حفر النار


اللهم انقلها من ضيق اللحود و القبور إلى سعة الدور و القصور مع الذين أنعمت عليهم من الصديقين و الصالحين والشهداء


اللهم اجعل لها من فوقها و من تحتها و من أمامها و من خلفها و عن يمينها و عن يسارها نورا من نورك يا نور السماوات و الأرض

اللهم أبدلها دارا خيرا من دارها و أهلا خيرا من أهلها واسكنها فسيح جناتك في الدراجات العلي آمين


اللهم إن كانت قد أحسنت فزد في إحسانتها و إن كان قد أساءت فتجاوز عن إساءتها


يا أكرم من سئل و يا أوسع من جاد بالعطايا … خفف أحمالها و حط من أوزارها واجعلها في مقام من قام لك بالقرآن أناء الليل و أطراف النهار


اللهم كن لها بعد الحبيب حبيبا و لدعاء من دعا له سامعا و مجيبا و اجعل لها من فضلك و رحمتك و جنتك حظا و نصيبا




اللهم من أحييته منا فأحييه على الإيمان و من توفيته منا فتوفه على الإسلام



اللهم إنا نسألك توبة قبل الموت و راحة عند الموت و مغفرة بعد الموت


اللهم اجعل لنا عملا يؤنسنا في قبرنا إذا أوحشنا المكان و لفظتنا الأوطان و فارقنا الأهل و الجيران


اللهم هب لنا نفوسا مطمئنة تؤمن بلقائك و ترضى بقضائك تقنع بعطائك


اللهم أغفر لحيينا و ميتنا و شاهدنا و غائبنا و صغيرينا و كبيرنا و جميع موتى المسلمين و المسلمات الذين شهدوا لك بالوحدانية و لنبيك بالرسالة و ماتوا على ذلك



اللهم اجعل خير أعمالنا خواتيمها و اجعل خير أيامنا يوم لقائك


سبحان ربك رب العزة عما يصفون و سلام على المرسلين و الحمد لله رب العالمين

آلام وآمال said...

لاحول ولاقوة إلا بالله العلي العظيم

كانت من ايام قليلة بتفتح نفس الصفحة دي وبتكتب في نفس المكان ده

لا اله الا الله

أمــانــى said...

لمن اكتب هذه الكلمات يا اختى الحبيبة وانا اعلم انك لن تقرايها
لمن اكتب بكلماتى هل لكى تكون للزمن
إنا لله وإنا اليه راجعون
لما اتخيل هذا اليوم سوف يأتى يا اختى الحبيبة
ربنا يرحمك يااااااااارب ويغفر لك ياااااااارب آمــــــــــين

Ahmed Essawy said...

البقاء لله
انا لله وانا الية راجعون

إنـســـانـة said...
This comment has been removed by the author.
إنـســـانـة said...
This comment has been removed by the author.
إنـســـانـة said...

اللهم إنها امتك وبين يديك فاللهم كما اسعدتنا بكلماتها وادخلت الى قلوبنا الفرح فإسعدها يارب واكرمها وفرحها وابدلها دار خير من دارها .. اكرمها يارب وارحمها ..مافيش ارحم منك يارب

وارحمنا اذا صرنا الى ما صارت اليه

اللهم آمين

امام الجيل said...

يا الله
اللهم تجاوز عنها وكن لها
واقبلها فى عبيدك الصالحين
وتبتها عند السؤال والهمها الجواب
كن لها يا رب

fanan fa2eer said...

انا لله وانا اليه راجعون

البقاء لله يابهلول

اللهم اغفر لها وارحمها وادخلها فسيح جناتك اللهم آمين

rack-yourminds said...

ان لله وانا اليه راجعون

الف رحمه ليكي وادخلكي الله فسيح جناته

dr.Roufy said...

لا حول ولا قوة الا بالله العلى العظيم
انا لله وان اليه راجعون
اقروا لها الفاتحة يا جماعة

Mohamed Hamdy said...

مكنش نفسى تكون اول كلماتى هنا ...

الله يرحمك

other_things said...

إنا لله وإنا إليه راجعون

البقاء الله

اللهم آمين
آمين
آمين
..

semsem said...

البقاء لله
ان لله وان اليه راجعون

mohamed said...

انا لله وانا اليه راجعون
ربنا يرحمها ويبدل لها سيئاتها حسنات
ويجعل الجنه مسكنها
وينجيها من النار
ويعاملها برحمته ولا يعاملها بعدله
اللهم امين

حسن ارابيسك said...

إن لله وإنا إليه راجعون
واللهي لقد أحزنني خبر الوفاة بشدة وتألمت كثيرا رغم أني لم أرى ولا أعرف الأخت هدى رحمها الله عن قرب لكن واللهي أشعرت أنها بمنزلة الأخت وكنت أعتز جدا بها وبمدونتها التي طالما أدخلت على نفسي البهجة في أوقات كثيرة كنت مُكتئب فيها
لاأعلم ماذا أقول أنا حزين جداً أشعر بالفعل أنني فقدت إنساناً عزيزاً على قلبي ولا أستطيع التصور كيف سننقطع عن مدونتها الجميلة مثل روحها الجميلة دائما رحمك الله يا أخت هدى وجعل قبركِ روضة من رياض الجنة وأدخلك جناته ..يارب أرحمها برحتمك التي وسعت كل شئ يارب أجعل روحها راجعةً إليك مُطمئنة مُستبشرة بلقائك وبرحمتك بحق حبيبك محمد وبحق صغارها وأطرح البركة في أولادها ووفقهم في حياتهم كما تمنت أمهم لهم دوما وأجعلها في قبرها مطمئنة كل الإطمئنان عليهم لأنها تعرف أنهم أمانه لديك يارب العالمين اللهم ألهم زوجها الصبر والسلوان وأنزل الرضا في قلبه بقضاء الله وعوضه خيراً في أولادهم اللهم هون عليهم فراقها وهون عليهم الحياة بعدها وأنزل البردعلى قلوبهم
لن ننساكي يا أخت هدى ولن ننسى أيام جميلة تبادلنا فيها معك تعليقات جميلة من أخت جميلة الروح اللهم ارحمها يارب اللهم إغفر لها اللهم تقبل منا دعائنا لها بالرحمة الف رحمة عليكي ياهدى
ألف رحمة عليكي يا هدى
الف رحمة عليكي ياهدى
عزائي لك ياأخ بهلول وصبرك على فراقها
فراق الزوجة والحبيبة والأخت وشريكة العمر وأنا أقول لك ابكي ولا تكتم بكائك وحزنك عليها أنا أعلم أنك تكتم حزنك وبُكائك أمام الأولاد حرصاً عليهم صبركم الله جميعا
ان لله وانا اليه راجعون هم السابقون ونحن اللاحقون
أخوك حسن

احساس برضوا حى said...

اشهد ان لا اله الا الله
واشهد ان محمد رسول الله
بحق الشهاده التى نطقت بها وامنت بيها
ادخلهها جنتك
وارحمها من عذاب يا الله
وارحم عبادك المسلمين جميعا
يا رحمن يا رحيم

يوميات عيل مصري said...

رحمة الله عليكي، اسال الله تعالى ان يثبت قلب أهلك وزوجك، وان يوسع لك في مدخلك، وأن يجعلك من ورثة جنة النعيم

ikhwange_masrey said...

السلام عليكم ورحمة الله وبركاته

يا رب يرحمها المدونة كانت جميلة وكانت محترمة جداااا


يا رب يرحمها

نـــــــور said...

ربنا يرحمك يا اختاه رحمة واسعة من عنده ويسكنك فسيح جناته

يااااااااااااااااارب آمين

mesh2dra said...

السلام عليكم

ربنا يرحمك يارب
ويغفر لك
ويجعل مثواكي الجنة بإذن الله

إن لله وإن إليه راجعون

يا مراكبي said...

ولنبلونكم بشيء من الخوف والجوع ونقص من الأنفس والأموال والثمرات وبشر الصابرين الذين إذا أصابتهم مصيبة قالوا إنا لله وإنا إليه راجعون

Esmat said...

إن لله وإن إليه راجعون
يرحمك الله

اللهم أغفر لها
و ارحمها و اعفو عنها
و أكرمها

اللهم وسع مدخلها
و ادخلها الجنة
وأ غسلها بالثلج
و الماء والبرد
اللهم إجعل مثواها الجنة
وصبر أهلها على فقدانها

ضد الظلم said...

طيب هو بهلول مبيفكرش تعيشو فى الصعيد على طوول عشان نشمت فيكى كده

تحياتى

ضد الظلم said...

انا معرفش والله
البقاء لله

لله الامر من قبل ومن بعد


الهم ارزق صاحبه هذه المدونه الجنه وارزقها بعدد حروف كتابتها حسنات
الهم انت الكريم

حسن ارابيسك said...

بهلولة
كم كنت أتمنى أن تكوني بيننا هذه الأيام في عالم التدوين تكتبي لنا بوست جميل بخصوص العيد الكبير وانا اتذكر الان حينما كتبتي بوستك الجميل بخصوص بهول حينما اتى بخروف في الشقة فاكره يابهلولة كانت ايام جميلة
سأدعو لكي يابهلولة أن يتغمدكي الله برحمته في هذه الأيام المباركة وأن يدخلكِ فسيح جناته
معلش انا كنت مقصر اليومين اللي فاتو واللي قبلهم لكن غصب عني واللهي كل ما اجي ادخل على مدونتك الجميلة التي مازالت تحمل عطر خفة دمك لا استطيه فأشعر بوخز الحزن يصيبني في قلبي ولكن مازال رابط مدونتك عندي في مدونتي كشمعة مضيئة تذكر كل المدونين انك مازلتي معنا وفي القلب رحمك الله يابهلولة فلك الجنة ولك الفردوس الأعلى ان شاء الله

DR.HAMAS said...

لا إله إلا الله

رحمك الله

و عوضك الفردوس

فهى أفضل من الدنيا بكثير

و أحلى من القاهرة و الصعيد و من كل ما فى هذه الدنيا

د.حماس

شاب مصري مفروس said...

إنا لله وإنا إليه راجعون

ربنا يرحمك يا رب ويجعل مثواكِ الجنه

والله ما انا عارف اقول ايه

صعب عليا اوي ادخل اول مرة هنا عشان اقول الكلام ده

لله ما اعطى ولله ما اخذ

وربنا يصبرك يا بهلول

nonoymm said...

لله ما اعطى ولله ما اخذ
اللهم ارحمها واغفر لها واغسلها بالماء والثلج والبرد
اللهم ابدلها دارا خيرا من هذه الدار واهلا خيرا منهذه الاهل
يارب العالمين

Servidores said...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Servidor, I hope you enjoy. The address is http://servidor-brasil.blogspot.com. A hug.

TV de Plasma said...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the TV de Plasma, I hope you enjoy. The address is http://tv-de-plasma.blogspot.com. A hug.

*سمر* said...

اللهم اغفر لها وارحمها ..وعافها واعف عنها ..
اللهم نقها من الذنوب كما ينقى الثوب الابيض من الدنس ....

عسى ان تكونى بخير ..وان شاء الله فى الجنة

Dr.Hammood said...

الى رحمة الله وفسبح جناته

bernard n. shull said...

i did a little research after you told me about your "thing", and if you want a way to make more money using your your blog you can enter this site: link. bye.

ورود و أشواك said...

للأسف أول مرة ادخل المدونة و انتى بين يدى الله
ربنا يرحمك و يسكنك قسيح جناته يا رب
ربنا يثبتك وقت الحساب
الف رحمة عليكى

عروس البحر said...

الله يرحمك
يا رب

دعاء مواجهات said...

رحمك الله وأدخلك فسيح جناتة

انا لله وانا إلية راجعون

غريبه في بلاد غريبه said...

انا لله وانا اليه راجعون
ربنا يرحمها و يجعل نيتها من المدونه دي في ميزان حسناتها

حسن ارابيسك said...

أدعوي لكي يابهلولة ( الأخت هدى عبدالمنعم
في الأن وفي رمضان ان شاء الله بالرحمة والمغفرة
رحمكِ الله يابهلولة وأسكنكِ فسيح جناتك
كان نفسي تكوني معانا في الأيام المباركة دي بخفة دمك نقرأبوست لكِ من الليكنتي بيتخففي بيهم عننا وعنك
رحمكِ الله
حسن أرابيسك

كيارا said...

انا لله وانا الية راجعون
ربنا يرحمك ويدخلك فسيح جناتة يارب

أماني said...

الله يرحمك يا هدى
إنا لله وإنا إليه راجعون

احمد عبد السلام said...

رحمك اللة وغفر لكى واسكنك فسيح جناتة

saragebaly said...

انا لله وانا اله راجعون

ربنا يرحمها ويسكنها فسيح جناته ويجمعها مع النبي في جنات الفردوس الاعلى

Bo2Loz said...

ra7mato allah 3liha...rbna yoneer kabrek w yosabbetek felso2al ya rb..game3n

rovy said...

انا لله و انا اليه راجعون
الله يرحمك ياارب و يسكنك فسيح جناته
لم يكن لى نصيب لاعرفك فى حياتك و شاء الرحمن ان تكون زيارتى الاولى لادعوا لكى بالرحمه
ادعوا المولى عز و جل ان يجعل لقانا فى الجنه ..
رحمكى الرحمن باوسع رحمة و مغفره

عاشقة الشهاده. said...

السلام عليكم

زيارتى الاولى

وباذن الله
لن تكون الاخيره

البوست رائع

سلمت يداكى

دمتى بخير

الـخـــفـاجـى said...

شكرا جزيلا على المواضيع الجميلة ... مدونة رائعة جدا ...

عرب بس http://arabbas.blogspot.com

تعليم كمبيوتر تعليم انترنت دين ممتع ثقافة لذيذة برامج هامة للنساء فقط من هو؟ سياسة وصراحة أجهزة حديثة تكنولوجيا غريبة كلام أبكانى وأحيانى شاهد ولن تندم إضحك من قلبك

جريدة الصباح العربي said...

شارك معنا باختيار القصيدة او الخاطرة الافضل


عادل فاروق
صورة في برواز
http://sabaharabi.blogspot.com/2009/06/blog-post_3522.html

عبد الله العباسي
ألم بلا أمل
http://sabaharabi.blogspot.com/2009/06/blog-post_9605.html

د/ ايمان مكاوي
ابحث عنك
http://sabaharabi.blogspot.com/2009/06/blog-post_158.html

ايهاب سيد
خائن
http://sabaharabi.blogspot.com/2009/06/blog-post_6557.html

حليس حورية نصيرة
ذكريني
http://sabaharabi.blogspot.com/2009/06/blog-post_5130.html

انتصار طايل
اتوكأ بعصا الحب
http://sabaharabi.blogspot.com/2009/06/blog-post_6044.html

اسلام محمود
بتنساني وبتسبني
http://sabaharabi.blogspot.com/2009/06/blog-post_5269.html

اسراء حامد
لخبطة
http://sabaharabi.blogspot.com/2009/06/blog-post_7682.html

مصطفى محمود
عرفتِ اليوم آياتي
http://sabaharabi.blogspot.com/2009/06/blog-post_9758.html

sky angle
اترك لي هذا المكان
http://sabaharabi.blogspot.com/2009/06/blog-post_13.html

..........................................................................................
ولو عاوز تشارك في مسابقتنا الادبية كل اللى عليك أنك تشترك في الجروب وتتفاعل معنا
جروب جريدة الصباح العربي على الفيس بوك
http://www.facebook.com/groups/edit.php?success=1&customize&gid=78080770039#/group.php?gid=78080770039

تحياتي وتمنياتي للجميع بالتوفيق

إيهاب الحمامصى said...

رغم انها زيارتى الأولى والأخيرة

إلا أننى أضع نفسى مكانها دائماً

فمن يا ترى سيزور مدونتى بعد مماتى

من سيتذكرنى؟

من سيدعو الله لى بالرحمة والمغفرة؟

اللهم شفع فيها كل هؤلاء الأحبة

وتقبل منهم خالص الدعاء

يا أكرم الأكرمين

اللهم استجب بحق اسمك العظيم الأعظم

احمد عبد السلام said...

اللهم اغفر لها

ووسع لها فى قبرها

ونورهه لها

يا مجيب الدعاء


ياترى عامل اية يا بهلول انت والاولاد

واحده وحيده said...

و الله العظيم أنا ما تخيلت إنى ممكن أعثر على المدونه دى
بالصدفه بادخل كلمة مصريه ف تحرير مدونتى هى دى المدونه اللى طلعت معاها
انا قريت عن المدونه دى ف الجرايد وقت ما دخلت التدوين
و و الله ما رايحه من بالى
و كتبت اللينك
بس لم أجرؤ على دخولها
ف سبحان الله تيجى هى لطريق

سبحان الله
اللهم اغفر لها و اسكنها جناتك يارب
و صبّر اللى كانت معاهم
و هاتفضل معاهم

الفاتحه

ما علينا said...

انقطعت طويلا عن التدوين
وها انا قد عدت
وأنت في قلبي وذاكرتى بهلولة

غفر الله لك واسكتك فسيح جناته

ربنا يشملك برحمته
ويحسن مثواك

حسن ارابيسك said...

بهلولة
المرحومة بإذن الله / هدى عبدالمنعم
سامحيني أنني إنقطعت عنك هنا في المناسبات لأقرأ لكي الفاتحة والتي أقرأها لكي دوما خارج عالم التدوين
وكالعادة أقول لكي كم تمنيت أنا وكثيرون أن تكوني هنا بيننا فيكل مناسبة وأن نقرأ لكي تدوينة تخص المناسبة وكم كنا نتمنى أن يستمر الأخ بهلول في مواصلة نشر أعمالك التي تكرتيها قبل رحيلك عن عالمنا ولكنك واللهي يا أخت هدى باقية معنا نتذكرك بكل خير
افتقدناكي يابهلولة بخفة دمك
افتقدناكي يابهلولة بثقافتك العالية وتدويناتك الرائعة

اللهم أرحم أختنا هدى عبدالمنعم وأجعل قبرها روضة من الجنة وفي البقيع وأسكنها فسيح جناتك ياربي فهي تستاهل ك خير ورحمة وعطف منك
اللهم ارحمها برحمتك
اللهم أرحمها برحمتك
اللهم أرحهما برحمتك

أنتم السابقون ونحن بكم لاحقون
أخوكي في الله الشديد الحزن عليكي
حسن أرابيسك

داليـ ـ ـ ـ ـ ـ ــــا said...

* للهم اغفر له وارحمه واعف عنه واكرم نزله ووسع مدخله وغسله بالماء والثلج والبرد ونقه من الذنوب والخطايا كما ينقى الثوب الابيض من الدنس وارحمنا اذا صرنا الى ما صار اليه وجازه بالحسنات احسانا وبالسيئات عفوا وغفرانا وافتح ابواب السماء لروحه برحمتك ياارحم الراحمين .
* اللهم يمن كتابه وهون حسابه ولين ترابه والهمه حسن الجواب وطيب ثراه واكرم مثواه واجعل الجنه مستقره ومأواه .
* اللهم ان كان محسنا فزد فى احسانه وان كان مسيئا فتجاوز عن اساءته وابدله دارا خيرا من داره واهلا خيرا من اهله ومد له فى قبره مد بصره واجعل قبره روضه من رياض الجنه ولا تجعله حفره من حفر النار وارزق اهله الصبر والسلوان ولا تفتنهم من بعده ولا تحرمهم اجره واجرهم فى مصيبتهم واخلفهم خيرا منها .
* اللهم واطعمه من ثمار الجنان كل ما حسن وطاب واكشف له عن وجهك الحجاب واجعله ممن قلت فيهم : (ويطاف عليهم بأنية من فضة واكواب كانت قواريرا * قواريرا من فضة قدروها تقديرا * ويسقون فيها كأسا كان مزاجها زنجبيلا * عينا فيها تسمى سلسبيلا ) ( والملائكة يدخلون عليهم من كل باب * سلام عليكم بما صبرتم فنعم عقبى الدار )
* اللهم اغفر لجميع موتى المسلمين والمسلمات الذين شهدوا لك بالوحدانيه ولنبيك بالرساله وماتوا على ذلك وباعد بينهم وبين خطاياهم كما باعدت بين المشرق والمغرب وأعنهم على جواب منكر ونكير يارب العرش العظيم .
* اللهم افسح لهم فى قبورهم ضيق المضاجع والضرائح واغفر لهم ما اقترفوا من الذنوب والقبائح وانظر لهم بعين لطفك وكرمك واجعل وجوههم من الوجوه الناضره الى ربها ناظره ولا تجعلها من الوجوه الباسره التى تظن ان يفعل بها فاقرة ياولى الدنيا والاخرة .
* اللهم كن لهم بعد الحبيب حبيبا ولدعاء من دعا لهم من المؤمنين سامعا ومجيبا واكتب لهم فى مواهب رحمتك حظا ونصيبا .
* اللهم بارك لهم فى حلول دار البلى وطول الاقامه بين اطباق الثرى واجعل القبور بعد فراق الدنيا خير منازلهم وافسح لهم بالقرأن العظيم ضيق مداخلهم ولا تفضحهم يامولانا فى حاضرى القيامه بموبقات الأثام واعف عنهم ما ارتكبوا من الحرام وارحم بالقرأن العظيم فى موقف العرض عليك ذل مقامهم وثبتنا واياهم - عند اضطراب جسور جهنم - يوم المجاز عليها زلة اقدامنا واقدامهم ونجنا واياهم من كرب يوم القيامه وشدائد اهوال يوم الطامه وبيض به وجوهنا جميعا اذا اسودت وجوه العصاه فى موقف الحسره والندامه ياكريم .
* اللهم انقلهم من ضيق اللحود والقبور الى سعة النور والقصور فى سدر مخضود وطلح منضود وظل ممدود وماء مسكوب وفاكهة كثيره لا مقطوعه ولا ممنوعه وفرش مرفوعه مع الذين انعمت عليهم من النبين والصديقين والشهداء والصالحين وحسن اولئك رفيقا .
* اللهم نور مرقدهم وعطر مشهدهم وطيب مضجعهم وأنس وحشتهم وارحم غربتهم ونفس كربتهم وقهم عذاب القبر وفتنته .
* اللهم اغفر لحينا وميتنا وصغيرنا وكبيرنا وذكرنا وانثانا وشاهدنا وغائبنا .
* اللهم من احييته منا فأحيه على الاسلام ومن توفيته منا فتوفه على الايمان .

اااااااااااااااااااااااااااااااااااااااااااااااااااااامين ياااااااااااااااااااااااااااااااااااااااااااااااااااااااااارب العالمين

داليـ ـ ـ ـ ـ ـ ــــا said...
This comment has been removed by the author.
داليـ ـ ـ ـ ـ ـ ــــا said...
This comment has been removed by the author.
داليـ ـ ـ ـ ـ ـ ــــا said...
This comment has been removed by the author.
داليـ ـ ـ ـ ـ ـ ــــا said...
This comment has been removed by the author.
داليـ ـ ـ ـ ـ ـ ــــا said...
This comment has been removed by the author.
داليـ ـ ـ ـ ـ ـ ــــا said...
This comment has been removed by the author.
حسن ارابيسك said...

السلام عليكم ورحمة الله وبركاته
الراحلة بهلولة
ها هو شهر رمضان جاء إلينا ونتذكرك بشهور رمضان التي كنا نشاركك فيها تلك المناسبة الكريمة لذلك ادعو الله فيها ان يرحمك برحمته الواسعة اللهم انقلها من ضيق اللحدوالقبر الى سعة النور والقصور فى سدر مخضود وطلح منضود وظل ممدود وماء مسكوب وفاكهة كثيره لا مقطوعه ولا ممنوعه وفرش مرفوعه مع الذين انعمت عليهم من النبيين والصديقين والشهداء والصالحين وحسن اولئك رفيقا
الفاتحة
على روح الأخت هدى عبدالمنعم
والفاتحة على روح أمواتنا المسلمين جميعاً
صديقك في التدوين
حسن أرابيسك

Mohamed Hamdy said...

احنا لسه فاكرينك يا بهلوله
واحد وعشرين نوفمبر الفين وعشرة

أخبار مصر لحظة بلحظة said...

أول مرة أزور مدونتك القيمة .. تهنئتي لك على المجهود المبذول والرائع..
ميدان التحرير الان
اخبار مصر لحظة بلحظة
ثورة 25 يناير

حسن ارابيسك said...

رحمك الله ياهدى
ها هي السنوات تعبر بنا من رمضان إلى رمضان وبرغم قراءاتي لكي الفاتحة في كل يوم من وقت وفاتك إلا أنني أحب زيارة مدونتك في المناسبات الكريمة وها نحن في شهر رمضان في العشر الأواخر وأدعو لكي أن يملأ بنوره قبرك ويجعله روضة من رياض أهل الجنة وأن يغفر لكي ماتدم من ذنب وما تأخر ويدخلكي جناته..أمين يارب العالمين

الفاتحة على روح الفقيدة التي مازالت بيننا في عالم التدوين بروحها الجميلة التي عرفناها بها دوماً

الفاتحة
سْمِ اللَّهِ الرَّحْمَنِ الرَّحِيمِ (1).
الْحَمْدُ لِلَّهِ رَبِّ الْعَالَمِينَ (2) الرَّحْمَنِ الرَّحِيمِ (3) مَالِكِ يَوْمِ الدِّينِ (4) إِيَّاكَ نَعْبُدُ وَإِيَّاكَ نَسْتَعِينُ (5) اهْدِنَا الصِّرَاطَ الْمُسْتَقِيمَ (6) صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ (7)
أمين
السلام عليكي ورحمة الله وبركاته

وجع البنفسج said...

بجد مش عارفة شو اقول او اكتب

ربنا يرحمها يارب والله وانا باقرأ كلماتها شعرت بأنها معنا هنا

ربنا يرحمها ويصبر اهلها

الدرويش المرووش said...

الله يرحمها و يحسن إليها و يجعل الجنه مثواها

arabtion said...

مشكور على مجهودك

حسن ارابيسك said...

الراحلة/ هدى
زميلة التدوين الجميلة
أعتقد انه لايمكن أن يقبل علينا شهر رمضان دون ان نتذكرك بالخير وبالرحمة والمغفرة لكي ولو ان هذا يفعله على الدوام كل من عرفوكي من خلال عالم التدوين
اختنا الراحلة / هدى
رحلتي عنا في شهر اكتوبر من عام 2007
وها نحن في منتصف عام 2012
خمسة أعوام تقريبا على فراقك لنا ولمدونتك الجميلة التي اسعدتنا كثيرا وكان بالطبع كان وراء نجاح مدونتك
شخصيتك الجميلة الودودة المثقفة الحنونة

اللهم تقبل منا دعائنا لها في هذا الشهر الكريم

اللهم طيب ثراها و اكرم مثواها واجعل الجنة مستقرها و مأواها


اللهم نور مرقدها و عطر مشهدها و طيب مضجعها


اللهم آنس وحشتها و ارحم غربتها و قها عذاب القبر و عذاب النار


اللهم نقها من خطاياها كما ينقى الثوب الأبيض من الدنس


اللهم فسح لها في قبرها و اجعلها روضة من رياض الجنة و لا تجعله حفرة من حفر النار


اللهم انقلها من ضيق اللحود و القبور إلى سعة الدور و القصور مع الذين أنعمت عليهم من الصديقين و الصالحين والشهداء


اللهم اجعل لها من فوقها و من تحتها و من أمامها و من خلفها و عن يمينها و عن يسارها نورا من نورك يا نور السماوات و الأرض

اللهم أبدلها دارا خيرا من دارها و أهلا خيرا من أهلها واسكنها فسيح جناتك في الدرجات العلي آمين