Tuesday, August 28, 2007

الدروس الخصوصيه


سعيده يا احلى بشر
انتطلقت الشعله الاوليمبيه لالعاب الدروس الخصوصيه 2007-2008 وبدء موسم العك الكروى قصدى عك الدروس الخصوصيه
وبدء كل مدرس فى تحويل التلاميذ الى ارقام ومجموعات
مجموعه ا من الساعه كذا للساعه كذا....مجموعه ب من الساعه كذا للساعه كذا....الخ
وياويله يا سواد ليله اللى ينضم متأخر يترحل لنص الليل
والتسعيره السنه دى غاليه عن السنه اللى فاتت
مش عارفه ليه ؟
يمكن يكونوا حسنوا الانتاج ؟
او علشان الجمارك ؟
او علشان الحاجه غليت يبقى بالمره الدروس تغلى ماهو سوق عرض وطلب
وعمتى وعمه ابويا وجدى الحكومه باشا بيقولوا انها بتحارب الدروس الخصوصيه
الحرب مستمره بين الطرفين لعده سنوات
مسمعناش عن اى تقدم ولا ضرب صواريخ سكود ولا باتريوت ولا حتى صواريخ رمضان
الحرب مستمره وخلاص
عايزين نعرف هى كلها حرب شتيمه وخربشه وعض بس ولا ايه ؟
ولا فريق واقف فى اول الاسكندريه على البحر والتانى فى اخر اسوان عند الحاجه حلايب وشلاتين
والفريقين بيبعتوا لبعض رسايل تهديد ووعيد مع السلحفاه سوسو خريجه حديقه حيوان الجيزه ؟
الواضح ان الحكومه مش راح تسكت لا
اكيد بتجهز جنود اكفاء لهذه الحرب الشنعاء واكيد مستنيه الجنود دول لما يتولدوا وعلينا وعليكوا بخير
الدروس الخصوصيه سرطان التعليم
بدأت
وعلى المتضرر اللجوء للمرايه علشان يشوف حلمه ودنه

26 comments:

عازف الناى said...

الحرب على الدروس الخصوصيه شغاله يا مدام بهلوله
ولكن الحكومه مقسمه الحرب اقسام محدده
القسم الاول..هو اعلان الحرب ومدته خمس سنوات حسب الخطه الخمسيه
والقسم الثانى..هو مرحله فرش الملايه والردح العلنى ومدته خمس سنوات
القسم الثالث ..هو مرحله الخصام والزعل واخدان الحكومه على خاطرها ومدته عشر سنوات
القسم الرابع..مرحله الصلح خير لو نتصالح

عصفور المدينة said...

هم شكلهم مقضينها إس إم إس
بس هو انت مش عارة إن المدرسين بيعملوا ملف ضريبي ولهم محاسب قانوني ودي أنا مش فاهمها حرب إزاي هو مش فيه مثل بيقول اطعم الفم واشتغل في الدروس

بهلول said...

والله وعرفنا الاوليمبياد يا بهلوله
انتى مشتركه نط حواجز ولا نط الحبل
وانتى بالصلاه على النبى ايدك فرته قوى فى الدروس الخصوصيه
طب قوليلى
سؤال
دروس محمد بكام ؟؟

ftataljanna said...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

انا ما ضيعنيش في ثانوية عامة غير الدروس والله يا بهلولة بتاكل الوقت اكل

لا بصي بصراحة مش الدروس المدرسة لانى ما كنتش باعرف اغيب من المددرسه علشان اذاكر اللى باخده فى الدروس

شفتى ماساتنا بقى

:)

بهلوله said...

عازف الناى
وبعد ال25 سنه يتصالحوا
ويسبونا
ونسكت لهم ؟

بهلوله said...

عصفور المدينة
يعنى ايه مفيش حرب
وانا اللى كنت مستنيه
اتارينى كنت هستنا كتير

بهلوله said...

بهلول
ههههههههههههههه
ضحكتنى وانا مش ناويه اضحك
يعنى ايه يا بهلول ؟
نقلبها احراج ولا ايه ؟
انت ناسى انك حتى لو بتدفع الدروس
بتدهانى انا اعطيها للولد
ايه ناوى تعك ولا ايه ؟؟؟

بهلوله said...

ftataljanna
شفت وشايفه يا حبيبتى
ولما بنقول لا للدروس الناس بيفتكرونا بنتكلم على الفلوس
مع ان اضرار الدروس كتييييييييره
جدا

mohand said...

السلام عليكم

حقك عليا انا
هي دي مصر يا بهلوله

بس عارفه

مهما عملوا
هتلاقي العيال تدور علي الاساتذه واولياء الامور يتمسحوا فيهم علشان يدو لولادهم دروس

احنا كده مينفعش معانا العدل

آلام وآمال said...

اه والله دي حاجة تفلق بجد ربنا يكون ف عونكم وعون اولياء الامور كلهم بصراحة

والتعليم طبعا من سيء إلى أسوا


ربنا يعافينا والحمد لله
الواحد قرب يخرج من الدوامة دي وربنا يسترها معانا بعد كده بقى

لسة ادامنا حرب تانية مع سوق العمل

الطائر الحزين said...

انتى مش واخدة بالك
الحكومة قالت انها بتحارب الدروس الخصوصية

مش بتحارب المدرسين
يعنى هى عداها العيب وقزح يعنى المدرسين فى الأمان لكن هى مستنية حد يعترف على نفسة ويقول انا الدروس الخصوصية يقوموا ماسكينة على طول

تحياتى

حسن ارابيسك said...

... ياستي اللي خدته القارعه

وأيش ياخد الريح من البلاط
وبعدين الحمدلله انكم ماعندكوش قورطه عيال
وعلى رأي المثل عد غنمك يا جحا
قال واحده قايمه والتانيه نايمه
وبعدين خلي بالك انت كده هاتربي عداوه بينك وبين المدرسين
على تحريضك ده
وبعدين تبصي تلاقي صورك معلقه على اسوار المدارس ومكتوب تحتها
wanted
حيه او ميته

بهلوله said...

mohand
فعلا هيدوروا على المدرسين علشان يدوا عيالهم دروس
لان مفيش شرح فى المدارس
ومفيش رقابه كامله على المدرسين
هتقول لى فى موجهين وفى تفتيش
وفى ...اقولك
من الناحيه العمليه
فى اهمال
ابنى بيقولى
ماما المدرس بيقول اللى عايز يفهم يفهم واللى مش عايز انشاءلله ما اهله فهم
ومبيشرحش كويس
وده كلام انت عارفه وانا عارفاه
وسلملى على ا ب ت ث ج حن

بهلوله said...

آلام وآمال
سوق العمل
وسوق الحياه
ربنا يعينك
ويوفقك
وتتخرج وتتجوز وتخلف عيال
وتجبهم لى علشان اديهم دروس خصوصيه

بهلوله said...

الطائر الحزين
عمنا الدروس الخصوصيه
هارب
ومطلوب القبض عليه فى 76 دوله غير مصر
وصدر عليه احكام
وهى 13 مره اعدام
و22 مره مؤبد
و77مره 10 سنوات
ومره واحده براءه من التربيه والتعليم فى مصر
وهو موجود حاليا وانا عارفه مكانه
وهخليه يعترف

بهلوله said...

حسن ارابيسك
انا مطلوبه حيه او ميته ؟
وهيجيبوا صورتى منين يا بو على ؟
اوعى تكون بتتكلم جد
لو كنت بتتكلم جد وفيها تعليق صور ومطلوب حيا او ميتا
تاخد صوره اخوك بهلول ؟
يمكن المدرسين يفشوا غلبهم فيه
وابلغ عنه واخد المكافأه

Future_Preacher said...

ههههههههههههههه
تكونش الحكومة قصدها الضروس الخصوصية
و الله ممكن و احنا مفكرين انها الدروس بالدال
مش شايفين يا جماعة دكاترة السنان ماشية معاهم قشطة ازاي اليومين دول
هي دي الحرب اللي يقصدوها اكيد
و الله كل ما اقابل حد اعرفه يشتكيلي من ضروسه
و انا شخصيا بشتكي منها
همممممم شوفتوا بقي حرب انما ايه بالاشتراك مع وزارة الزراعة و الري و الصحة و البيئة و كله
و الضحية هي ضروس المواطنين
خدوا بالكوا بقي من حروب الحكومة دي لحسن شكلهم كده حيقضوا علينا في الاخر

جمعاوى روش طحن said...

بما إن قد أكون

و ياريت ركزوا فى حكاية قد أكون دى

مدرس

أو بالأحرى مربى أجيال

" حلوة أو مربى اجيال دى "


قد كون الدروس مصدر رزق لى

و لكن السؤال

يعنى ايه دروس خصوصية ؟

هل هلى ان المدرس يروح بيت الطالب و يقعد معاه لوحده و يخبط اللكة التمام

اللكة بضم اللام يعنى الأروة

الل هى يعنى الفلوس

و لا هى ان المدرس يفتح شقة و يعملها درس

و يكو ن الـ8 حصص

بخمسه و عشرين جنيه

أيوت 25 ح\جنيه

دى التسعيره عندنا


و لى عودة

بهلوله said...

Future_Preacher
ضروس
جبتى المفيد
ممكن تكون الضروس صحيح واحنا نايمين فى العسل
علشان كده لما بيعملو ا تمارين الصباح فى المدرسه
بيقولوا
واحد..اسنان..تلاته
يبقى اسنان وضروس ولثه ياما نشوف

بهلوله said...

جمعاوى روش طحن
قد تكون مدرسا ؟
ومن هو المدرس ؟
انه اخى واختى وابنى ووالدى
انه جارى ونسيبى
وانا وانت
وكل الناس الحلوة اللى شرفونا
انا لااهاجم المدرسين فقط
ولكن الحكومه هى سبب كل شىء

ما علينا said...

ما بلاش يا بهلولتي

خليهم حلوين مع بعض
بلاش الحرب

الحكومة لو شدت حيلها عليهم شوية

بيضربوا هم تحت الحزام

ومين بقى
اللي الحكومة شادة عليه الحزام
احنا
انا الشعب

المدرسين بيخلصوا من اولياء الامور

وبيعوضوا خسايرهم منهم
علشان يقدروا يستمروا في جولاتهم



والموضوع دا بقى خاصة

السبب فيه
اولياء الامور
اللي ماشيين ورا عيالهم

يعني هو يرضي ربنا ان طالب ياخد في مادة 3 دروس خصوصية

الموضة
ان الطلبة بيقسموا المنهج
كل مدرس متميز في جزء

يعني في مدرس
كيميا عضوية
وواحد لكميا التغذية
وواحد لكيميا السطوح

ولا العربي بقى


الواحد المفروض يروح يتفق مع
دفعة كلية التربية كلها

سلام يا بهلولتي

بهلوله said...

ما علينا
علشان كده سكان العماره بيهتموا قوى بصيانه المصعد قبل المدارس كل سنه
لما يكون 10 مواد فى 3 مدرسين فى 3 اولاد للشقه الواحده فى 24 شقه
يبقى كتر خير ابو المصعد
ما احلى ايام الخيام
فى الصحراء

Yahia said...

يا اخونا الموضوع ده زي كل حاجه غلط في حايتنا محتاج رد فعل مسئول من كل واحد فينا بس على العموم الكلام والفضفضه مش وحشه برده بس اتمنى منفضلش نتكلم كتتتتتير زي الحكومة وفعل مفيش.

سلام

تخاريف دكتور said...

خلاص بقى اتعودنا اننا نشتكي من الاسعار حتى فى الدروس الخصوصية المحرمة دوليا

طيب ما الحشيش غلى وعمرنا ماقولنا حاجة
والشاى غلى وعمرنا ماطفينا عليه

بهلوله said...

Yahia
ارشدنى ودلنى على العمل
واكون شاكره ليك
واوعدك مش هتكلم تانى
بس ايه العمل ؟؟؟؟؟

بهلوله said...

تخاريف دكتور
مرحب يا دكتره
الدروس الخصوصيه انا لسه فيها لشوشتى
اما الحشيش بطلته من زمان
من ايام الكتاب
بضم الكاف
والمسمى الان الحضانه
علشان سيدنا قفشنى وانا عامله سيجاره ملفوفه