كان عندها حق صباح بنت ام صباح لما غنت للمرحوم فؤاد المهندس الراجل ده هيجننى
تقولش الرجاله فى رمضان فاكرين نفسهم هما بس اللى صايمين
طيب ماحنا كمان صايمين
وبنروح الشغل زينا زيهم
ولا
علشان محدش يزعل منى
هاتكلم على نفسى انا والمايسترو بهلول
يجى رمضان وخناقه يزيد عايز طباخه سكه حديد
بجد يا جماعه
من العصر للمغرب
وكأنى انا المسئوله عن الصيام فى الرايحه والجايه عمال يبص لى ويقولى خلاص الاكل ؟
عملتى ايه النهارده ؟
جبتى فاكهه ؟
جبتى مخلل ؟
هو المغرب اتأخر كده ليه ؟
عصرتى مانجه ؟
جبتى عرقسوس ؟
عملتى كنافه ؟
انا عطشان
انا جعان
انا همدان
ويقعد شويه فى الصاله ويروح على الصالون للبلاكونه للمطبخ للصاله للصالون لما خلانى هطق
اقوله يا بهلول اعقل كل الناس صايمه مش انت بس واعمل حسابك انى صايمه زيك بالظبط
يقولى
انتى بتاكلى كتير فى السحور
طيب ما الاكل قدامه ما ياكل هو انا حوشته
ياله ماعلينا
كل سنه وانتم طيبين
ومره تانيه
بهلول ده هيجننى
43 comments:
رمضان كريم و الله يتقبل منا منكم :)
أدعوك وأدعو كل الزوار إنهم يلحقوا فوازير رمضان وكل اللي فاتوا فزوره ممكن يلحق يحلها عشان كل فزوره ممكن تلحأها خلال عشر أيام وإن فزورهأول يوم رمضان حنأفل باب الحل بعد يومين
وبفكركم بردوا إن الجوايز جامده ..وإن الوازير عباره عن خلق وصحابي
كل سنةو انتى يا اجمل بهلولة فى الدنيا بالف خير و سعادة
مشكورة على الزيارة الجامدة لمدونتى
انا بيتهيأ لى لو سكت و لم يعلق هذه التعليقات ستاتى فى اليوم التانى وتعملى تدوينة وتقولى الراجل اتغير يا ترى فى ايه
سبية بطبيعته احسن مش كدة ولا ايه
اللهم تقبل منكما صالح الاعمال
Qabbani
الله اكرم
ايه يا محمد وحشنا
بقالك كتير مزرتناش
على فكره انا متابعه مدونتك
وهى زى ما هى منذ فتره
نفسنا نشوف تدويناتك
ياسر مدني ...دينامو الإخوان
طيب هتابع
بس مفيش تسهيل شويه للحل
عصفور بلا أجنحة
ربنا يكرمك
انت مدونتك ممتازه
وانا ان شاء الله هكون متابعه جيده عندك
الا قولى ايه حصل لجناحاتك ؟؟
الطائر الحزين
يعنى انت عاجبك اللى بيعمله بهلول ؟
طيب انت اكيد صايم
السؤال المهم بتعمل زى بهلول كده ؟
زيارتك شرف كبير لبهلوله
هههههههههههههههههههههه
مبدئيا إنتي ما أنكرتيش إنك كلتي كتير في السحور
بس أنا رأيي تحاولي تديله أي شغلانة قبل الفطار يضيع فيها الوقت
يذاكر للعيال
يساعدك في المطبخ
تشتري له جرنال
المهم حاولي تشوفي حاجة تشغليه بيها عشان يسيبك في حالك
وده طبعا لو كنتي جربتي الحنية معاه وماجابتش نتيجة
كل سنة وانتي طيبة
وسلامتك من الجنان
السلام عليكم
أزيك يا بهلوله يا قمر
سلامتك يا أوحى من الجنان
بما أنك صحتينى من النوم
فانا جيت أقولك كل سنه وانتى طيبه
ومعلش هما الرجاله كلهم كده والله الاكل ده أساس حياتهم زى ما يكون أحنا بنعيش بناء ضوئى وهما بس اللى بياكوا
وياسلام بقى فى الصيام يتنرفزوا ويقولوا أحنا صايمين كل حاجه أحنا صايمين
طيب ما البشر كلها صايمه يعنى
يلا معلش أستحملى بقى هتعملى ايه
أذا كان أنا مستحمله أخويا بالعافيه هستحمل جوزى ازاى ربنا يطمنك
كل سنه وانت بخير يا قمر
تحياتى
الظاهر انى بكتب لك ردود بس النت مش مظبوط
لان انا قريت الموضوع ده وبيتهيالى بجد انى علقت بس غريبة ما لقيتش تعليق
المهم
ربنا يعينك يا بهلولتى ويهدي لك بهلول معلش رمضان تعب وارهاق على كل الناس
واهو قرا اهو ان شاء الله يفهم
أول مره أدخل مدونتك الجميله دي
الموضوعات كلها دمها خفيف وواقعيه..
وتقريبا الرجاله كلهم عيينه واحده
ومعروف ان أقصر طريق الى قلب الرجل معدته...
روّقي على معدته بقه عشان يروّق عليكي
يمكن يحن عليكي بوصله من بتوع أيام الخطوبه...
تحياتي وكل سنه وانتي طيبه
السلام عليكم
ههههههههههههههههههه
معلش خليكي انتي الصابره
يا ستي
امال لو بيشرب سجاير هتعملي ايه
الله يكون في عوننا اجمعين
معلشى يا حبيبتى
هما الرجاله بيتفجعوا فى رمضان
ربنا يصبرك
وكل سنة وانتى وبهلول بالف خير
يا بهلوله براحه شويه على الراجل
يعنى فى ناس عندها قوه تحمل للصيام وناس قوه تحملها بسيطه
خليكى رحيمه ببهلول
وانا هروح مدونته
واحاول افهمه
Qabbani
بجد وحشانا تعليقاتك
وكل عام وانت بخير
د- حندولة
جربت معاه كل حاجه
الحاجه الوحيده اللى مجربتهاش واكيد هتنجح ومقدرش اعملها انى اخليه ياكل
لانه بيصرخ من قله الاكل
ولا دواء للجعان الا المم
المم يعنى الاكل
حياه الأحلام
لا طبعا مش كل الرجاله زى بهلول
فى رجاله كتير بيصوموا ويمارسوا حياتهم عادى جدا
لدرجه انكى متحسيش انهم صايمين
سيبك انتىمن كل ده
وحشانى جدا
وهروح دلوقتى حالا ازعق عندك فى المدونه علشان تصحى
ولو انكى صاحيه وعال العال
سلام يا عسوله الاحلام
ftataljanna
ايه اللى بيحصل فى المدونه
انا بتسرق ولا ايه
ازاى التعليق بتاع حبيبه بهلوله احلى فتيات الجنه يروح
لا ده انا اقلبها دندره على كل البلوج سوم
ولا اقولك يلا احنا فى رمضان
بجد بتوحشينى جدا
انا كنت عندك وشفت صورك
ودلوقتى هروح اشوف لو فى جديد
تحيات اختك الكبيره بهلوله
بلا عنوان
اه وصله من ايام الخطوبه
فكرتينى بالذى مضى
وعلى راى ام كلثوم
وعايزنا نرجع زى زمان قول للزمان ارجع يازمان
شرفتنى جدا جدا
واتمنى دوام الزياره
mohand
اولا
س - كنت فين يا مهند مش باين ؟؟
س تانى لماذا لم تطمننا عليك الفتره اللى فاتت ؟؟؟
عموما
كل سنه وانت طيب
mohand
اه نسيت اقولك
مين قالك ان بهلول مبشربش سجاير ؟
Desert cat
مش ده رايك برضه
وانا عندى حق ؟
على العموم
خليهم ياكلوا براحتهم
بس ميكلوش صحتنا
مش كده ولا ايه ؟
عازف الناى
بس ابقى وصيه يبقى رحيم هو ببهلوله
ربنا يعينك يابهلوله ياختى
انا عارفه ايه ده اوعى يكونوا كلهم كده ولا اقعد فى بيت اهلى احسن
ولا يزعل بهلول كده
خلاص خلاص
كل سنه وانت طيب يابهلول
السلام عليكم كل عام وأنت والأسرة بخير
غلطتك انك مش عودتيه الصيام من شعبان
انتي كنتي فين من زمان ازاي قلوب حائرة متعرفش مدونة زي دي طلعتي امتي وبداتي امتى التدوين على العموم سعيدة بيكي وبمعرفتي ليكي وياريت تنورني وكل عام وانت بالف صحة وسلامة
انا بصراحة بحسدكم على صبركم ده يا معشر النساء
ربنا يكملكم بعقلكم
:D :D
السلام عليكم ورحمة الله وبركاته
بهلولكو ده فكرنى بوالدى
ربنا يخليكم لبعض
بس حضرتك خدى بالك اوعى يجيب مدفع بعد كده فى قلب الشقه علشان لما المدفع يتأخر ولا حاجه يتصرف هو
اصل احيانا المدفع بيتأخر وبدل ما يضرب العصر بيضرب المغرب
ههههههههه
ضحتونى والله
ربنا يخليكم لبعض
وكل عام وانتما بخير
ربنا يخليكم لبعض بس للاسف كل الرجاله كده يعنى انا اخرى اجيب طلبات البيت لماما اكتر من كده شكرا
معلش بقى يا بهلولة
استحمليه
احنا في صيام ولكل الاجر والثواب عند الله
لانك زيك زيه صايمة
وبتعملي كل حاجة
وكمان
هاتتحملي
تخيلي بقى جزاءك عند ربنا
والله يا شيخة شكله
طيب
ابقي قعديه يعمل السلطة
كل سنة وانت احلى واجمل بهلولة
وربنا يخليلك بهلول
ومايحرمكيش من جنانه
اللي انت ما تقدريش تستغني عنه
ولا هو كمان يقدر يستغنى عنك
احنا في رمضان بقى
ومش وقت تهدية نفوس
وانتى كمان بتوحشيني والله
انت فين ما كتبتيش من زمان
عايزة اعرف اخر اخباركوا
بس هاقولك حاجة من ساعة المائدة المستديرة وانا كان نفسي بهلول يحكي كل حاجة :)
بصراحة كنت هاموت واعرف عملتى ايه
زمانك بتقولى وايه علاقة ده بده
انا مهيسة خاااااااالص في رمضان على فكرة عماله ادخل كل حاجة فى بعضها
بصي هامشي بقى دلوقتى واروح انام بكرة كلية ومحاضرات
هههههههههههههههه
شوية كده وهاقولك تحلى مشاكل الشرق الاوسط
سلام يا بهلولتى يا حبيبتى قبل ما اهيش عندك اكتر من كده
هههههههههههههههههههههه
ازيكم يا احلى بلوجين على بلوجر كله
يارب تكونو بخير
ياريت تسلمليلي على استاذ بهلول
انتو وحشتونا مش باينين بقالكو فترة
ان شاء الله تكونو بخير وكل سنة وانتو طيبين وربنا يعود علينا وعليكم الايام بخير
:)
soka
مرحبا بكى يا سوكا
لا طبعا كل الرجاله مش زى بهلول
واوعى تغيرى رأيك بس احسنى الاختيار
بلاش الاختيار العشوائى
عصفور المدينة
استاذنا الكبير حمدا لله على سلامتك
وانا فرحانه جدا بعودتك مره اخرى
truelove
انا هنا من سبعه الاف سنه
انا الشعب
مرحبا بالقلوب الحائره
وان شاء الله ميكونش فى حيره ولا حاجه
ونقدر نظبط الامور
آلام وآمال
ااااااااااامين يارب
الباحث عن الحقيقة
لو عملها يبقى هيضرب مدفع السحور الظهر والافطار العصر
وبرضه هيجوع
رئيس جمهوريه نفسى
تمام يافندم
بعد الاطلاع على مواد الدستور
والماده 9999 لسنه 1988 قرار رئيس جمهوريه نفسى
ماده 1 ليس كل الرجاله زى بهلول
ماده 2 بهلول فريد من نوعه
ينشر الخبر فى الصحف الرسميه
ما علينا
والله كلامك عسل يا احلى من العسل
تعرفى لو قعد يعمل سلطه هيشغلنى عنده برضه
هاتى الاوطه هاتى الفلفل هااااااااتى لغايه المغرب وهو يمشورنى
ليه يبقى الطيب احسن
ftataljanna
فى ايه
حبيبتى كده قلقتينى عليكى
لو تحبى تتكلمى معايا كلمينى على الاميل
انا اتمنى اكون صديقه لكى
مع انى كبيره شويه
لكن مستوى ذكاءك وثقافتك يخلونى اتمنى صداقتكى
bbb11hhh11@yahoo.com
وعلى فكره لو بعتى لى حاجه على الاميل قوليلى علشان قليلا ما ادخل الى الاميل
آلام وآمال
انت الاحسن
وانت كمان وحشتنا جدا
وسلام بهلول هاوصله له
على فكره انا سعيده جدا بتواجدك
Post a Comment