سعيده يا بشر
شفتوا الهنا اللى فيه بهلوله
ومش بهلوله بس لا يا عسل ده كل الشعب المصرى
رمضان جاى كل سنه وانتم طيبين وبعده ب3 ايام المدارس
طب اجيب منين
طلبات البيت فى رمضان مولعه ومصاريف المدارس قد الجبل الكبير اللى بلع امه وابوه جوه بطنه
ودلوقتى عاملين انا وبهلول هاف تايم او راحه بين الاشواط حكم احنا معندناش شوطين لا احنا عندنا كبشه لا قفه اشواط
طيب احنا واخدين الهدنه دى من امبارح وفاضل كام يوم على مصاريف الشهر وانشاء الله هتحصل مجزره ولا مذبحه القلعه بتاعه عم محمد على
سيبكم من بهلول وبهلوله
وخلونا نتكلم عن باقى الشعب
انا الشعب
انا فردايه من الشعب يبقى من حقى اتكلم عن الشعب
مش من حق الحكومه تخليها جدعه حبتين فى رمضان وتخفض مصاريف المدارس شويه
مش من حقنا عليها تزكى علينا احنا الغلابه المطحونين
يعنى تخلى المصاريف النصف
وتدى لكل طالب عشر كشاكيل وعشرين كراسه زى زمان وتحسبه زى الزكاه مش هنقول زكاه لا نقول زى الزكاه
واحنا ولادها برضه وهى امنا
مش بنقول مصر هى امى نيلها جوه دمى
صدقونى انا صعبان عليا الناس الغلابه الكتير
ربنا معاهم ومعانا
ورمضان كريم
والمدارس تحاول الدوله تخليها كريمه
اوعى يا حكومه تزعلى انا مش بتكلم فى السياسه ولا اعرف
انا فردايه من الشعب بتكلم عن مشاكل الشعب
وقريبا هتكون مشكلتى مع بهلول
وربنا يستر
32 comments:
انا فرحت والله انكم اخدتو هدنة ابص ف اخر البوست الاقي بردو في نية عندك لنشوب مشكلة مع استاذ بهلول
:) :)
ما علينا
على فكرة طلبك ده شرعي جدااا ومن حقك ومن حق كل مواطن مصري غلبان ومش غلبان كمان انه يطالب بتخفيض الاسعار
ده بالنسبة للمدارس
أما بقى بالنسبة لرمضان ومصاريف رمضان اسمحيلي اقولك ان احنا شعب مسرف جدااا ومبذر لدرجة فظيعة
انا اتكلمت مع والدتي امبارح عن حكاية المصاريف ف رمضان واللي ملهاش اي لازمة وممكن اوي ان احنا نقضي رمضان زيه زي اي شهر من شهور السنة ( ده بالنسبة للأكل يعني والمصاريف وكده ) مش لازم يعني نحبكها ونجيب عشر اصناف نعملهم ف اليوم
ياريت كل الناس تفكر ف الحكاية دي والله
رمضان شهر عبادة مش أكل ومصاريف
تحيتي ليكي وياريت الهدنة تفضل مستمرة شوية كده ع الاقل لحد ما رمضان يخلص والعيد كمان
:) :) :)
كويس و الله يا بهلوله هانم اني صعبت عليكي
اصل انا من عامة الشعب
لا
ده انا الشعب
الموضوع انه خبطتين في الراس توجع
و دول 3 خبطات ورا بعض
يعني يادوب نجي حاجة رمضان نبص نلاقي المدارس دخلت
لسه ما فقناش من المدارس يدخل علينا العيد
و المشكله ان العيال مش بترحم
يعني عايزين كل طلباتهم مجابه و لا ليهم اي دعوه بالمشكله الاقتصاديه
امضاء
اب لثلاثة ابناء في المدارس
والله كشاكيل وكلام فارغ وكراسات واقلام مش هانقدر نعطى حد حاجة السنة دى
بس باوعدك يا بهلولة ان شاء الله ان مشكلتك دى مش هتفضل طى الكتمان كده
لأ احنا كحكومة هنوصلها لكل العالم
اطمنوا يا ولاد وصوموا صوموا يعنى قللوا مصاريف وفروا للمدارس والدروس مش صوموا يعنى كنافة وقطايف وبط ووز ومحشي وكلام بينفخ البطن
انتى فردايه من الشعب
وانا فرد من الشعب
واتضامن معكى
فى مطالبه الحكومه بتخفيض المصاريف
بس يا بهلوله
كده الحكومه هتاخد على خاطرها منكى
خليكى جدعه وبلاش خالتك السياسه
وخليكى مع عم بهلول
آلام وآمال
صدقنى يا خويا انا معنديش نيه للمشاكل مع بهلولى
لكن احنا متعودين على كده
وانا عارفه بهلول
تجيب له سيره ام سحلول والعفاريت
وماتجبش سيره الفلوس ابدا
mraghy
الله يكون فى عونك يا فرد من الشعب
دانت يابنى قدامك موال كبير
بس يكون فى علمك
لو الحكومه منفذتش كلامى
هيكون لى قرار تانى خالص
تخاريف دكتور
لا انتوا اديتونا حاجه السنه دى ولا اللى قبلها ولا اللى قبل اللى قبلها ولا اللى قبل قب...انتى قاعد معايا علشان المشوار كبير ؟؟
اما بالنسبه للصوم صايمين صايمين عن كل حاجه
مش بارادتنا ده عصب عننا
هو فين الوز والبط والمحشى و...حرام عليك فكرتنى بالذى مضى
عازف الناى
سياسه مين يا عم عازف
انا معرفش عاصمه باريس ايه ؟
ولا ثوره 1919 بتاعه عمنا سعد زغلول كانت سنه كام ؟
ربنا يجعل كلامنا خفيف عليهم
ربنا يعينك ع المصاريف
وماتقلقيش لو اتزنقتى اوى احنا تحت الامر
وكل سنة وانت طيبة
ميرسى ياقمر على زيارتك ليا
انت فرداية من الشعب وفعلا هي دي نظرة الحكومة للشعب
شوية .........
هو جمع فرداية إيه
المهم ياريت الناس توفر شوية من مصاريف رمضان(الإسراف) لصالح
الشنط والجزم والكراريس والجلاليد والأقلام والدروس والهدوم ومصاريف المدارس والشرابات وهدوم العيد
وووووووووووو
السلام عليكم
وحشتيني يا ام العيال :)
ايه يا بهلوله يا اختى كلنا لها :)
اما عن رمضان فالغريب ان رمضان دى من كلمة رمض يعني شدة فى كل شيء لان الشهر ده كان بييجي على العرب فى عز الصيف والحر
يعني بيشدوا الحزاااااااااام
ولما فرض علينا الصيام فيه فده علشان روحنا تاخد وضعها كده وتترستا بدل ما الجسد والنفس عايشيييييييين كده ومقضينها بالطول والعرض يعني رمضان اصلا شهر تقشف
عند العرب بقى دلوقتى رمضان ده مش شهر الصيام والتقشف لا ده شهر النغنغه زى ما بيقولوا
يعني الواحد صايم طول النهار وبيفكر يا ترى هافطر ايه واحلى بايه واشوف مسلسل ايه
الا عجيبة يعني سبحان الله بيحشوا التليفزيون حشو ولا الحمام المحشي
كانهم مش كانهم هما فعلا قاصدين يلهونا
يالهوى
ايه داااااااا
ما علينا ربنا يسهل يا بهلولة حابه بس ابلغك رسالة ان ولادك امانة وهاتتسالى عليهم يوم القيامة مش هايقول اكلتيهم ايه وشربتيهم ايه ولبستيهم ايه لان ده رزق ربنا ليهم بس هايقول لك علمتيهم ايه
دعيتيهم للاسلام ولا سبتيهم مسلمين بالوراثة
عرفتيهم يعني ايه طاعة لله لما يشوفوكى بتصلى وبتقراى القرآن ولا لا
اتكلمتى معاهم فى الدين بطريقة تحببهم فيه ولا كل كلامك معاهم فى الدين بتقولى لهم حاجات جايز تكونى انتى نفسك مش بتعمليها
يعني مثلا تضربيهم لو كدبوا عليكي مع ان ممكن حد يتصل ببباهم فى التليفون وهما شايفينه قاعد ويلاقوكى بتقولى لا ده مش موجود
يعني شوفى هاتعلميهم ايه فى رمضان شهر العبادات مش هاتاكليهم ايه وياميش رمضان وفسدق وبندق
واما بقى عن المدارس فربنا يصبرك يا رب وبهلول ويعينكوا انتوا وكل المسلمين علشان توصلوا باولادكم لبر الامان
واما عن طلبك من الحكومة فاحب اطمنك ان طلبك طبعا وبدون تفكير لازم يكون
مرفوض مرفوض مرفوووووووووووووض ياااااااااا ولدى يااااااا ولدى :D
بتحلمى ولا ايه قلبك ابيض كان غيرك اشطر على راى اللى قال :)
ياللا بقى طولت عليكي ربنا يعينكوا يا رب ويهديكوا
امانة عليكي يا بهلولة انتى وبهلولة تعلمى العيال الاسلام الله يخليكي اصل دول البذرة الجديدة عايزينها تبقى صالحة مش زي اللى قبلها عسي ربنا يغير بيهم حال الامة
آآآآآآآآه يانا هى مدارس ورمضان وبس ده بسرعة البرق حيعدى الشهر ولازق فيه العيد ومصاريفه بلاش ياختى تفكرينى خللينى كدة ناسية لحد اما الشهر يقرب وبعدبن ابتدى افوق .. ميرسيه على زيارتك انتى دمك خفيف اوى يا لولا .. ايه رايك فى الدلع ده ؟؟
السلام عليكم
اعملى زيي
انا ناوية اخد من الياميش
واحط فى الكراريس
وفى العيد الصغير بقى
خدى من الكحك والبسكويت
وحطى فى الكتب الخارجية والشيتس
وفى العيد الكبير
الحكومة ضحت بينا قبل احنا مانضحى
فخدى من اللحمة الفتة والرقاق
وحطى فى المراجعات النهائية للامتحانات
وفى الصيف بقى اقابلك عند بتاع الفول
شكرا لزيارتك مدونتى
معلش معرفتش ابقى خفيفة زيك
وحشيت الكومنت
مش كفاية مش حنحشى قطايف
تحياتى
وكل سنة وانتى طيبة
والى الله اقرب
مساء الخير مدام بهلوله
انتى فردايه من الشعب ؟
هى الابتدائيه بتاعتك كانت سنه كام ؟
ع فكرة
انا والدى متوفى واختى مش بتدفع مصاريف
هيههههههههههه
سيبك من قصة الغلابة دى
كل واحد ينفد بجلدة
تحياتى
عين ضيقة
شكرا يا حبيبتى
ولو هتكتبى وصل امانه
بهلول خطه فى الامضاء عشره على عشره
عصفور المدينة
كل دول هنوفرهم من مصاريف رمضان
ليه
هو رمضان مصاريفه كام
اما جمع فردايه
مش عارفه
طيب
تعرف مؤنث فرد ؟
ftataljanna
حمدا لله على السلامه
وووووووووووووووحشتينى
جدددددددددددددا
ووحشنى كلامك العسل
على فكره
انا بنفذ كل اللى قلتيه واكتر
لكن برضه باحب اسمعه منكى
اه نسيت اسالك
هو الجهاز كان عنده ايه
bocycat
لولا اسم جميل متشكره قوى
وبرضه انا هادى بهلول منه حته
يبقى اسم الدلع بتاعه
لول
على وزن غول
Jana
يا ريت يا ختى
هو بهلول مخلى لى حاجه
علشان اوفر منها
ده فى اول يوم فى رمضان
عايز
كنافه وقطايف وزلابيه وام على وام سحلول
ولو طال يقرقشنى انا والعيال يكلنا
kafrawy
اه يا لئيم
عايزنى اقتل بهلول علشان العيال ميدفعوش المصاريف ؟
ليه كده حرام عليك
هات ودنك
تاخد كام وتنفذ ؟
كل سنة وانتى طيبة ياجميل
والله الشهر دا بيعدى
والواحد ماعرفه بيعدى ازاى
ياستى
بتسلك من له
اتمنى زيارة مدونتى
رسلة مواطن زهقان
يا تري بهلول بيزكي
على المائه وخمسون الف جنيه ولا لا
في ناس ماعندهاش حاجه خالص غير الستر وبتقول الحمدلله
وفي ناس ربنا بيديها ومافيش فايد ما بتشبعش وتفضل تدعي الفقر وتقول معناش ومش قادرين ومش لاقيين
لحد ما ربنا يقوم جي واخد اللي وراهم وقدامهم مره واحده
خلوا بالكم
مواطن زهقان
مرحبا بك
وقد قمت بزياره سريعه الى مدونتك
حسن ارابيسك
مش راح اقولك على سر تانى
الصوره بتاعتى فى البروفيل ضاعت
قعدت ادور عليها لغايه لما لقيتها
اجربها
ما تقلقيش يا بهلولتي
الجولة دي بالذات
كل الشعب المصري بيشترك فيها
فرد فرد وفردايه فرداية
كل فرد وكل فرداية
جامعهم بيت واحد
وهالل عليهم رمضان
والمدارس مع بعض
اكيد اكيد
الدم هايبقى للركب
شفتي
تعملها الحكومة
والافراد
الشعب يعني
يقعوا فيها
لعب حكومة صحيح
الحقي بقى اشربي الشاي
علشان تظبطي دماغك
قبل المعركة
السكر على السلم
بعد السلمة المكسورة
ربنا يقدم اللي فيه الخير
وصباح الفل عليكي انتي وبهلول
مستنيكوا
ما علينا
يعنى كل البيوت هيبقوا بهاليل
وكل واحد يستل السيف
حلوه يستل دى ؟
والمحاميين هيسترزقوا
والمحاكم تشتغل
والاشيه فللى
ما علينا
يا نهار ابيض
صلحنا السلمه المكسوره اول امبارح
يبقى مس هعرف طريق السكر
مش مشكله
امشى وراء النمل
واكيد هلاقى السكر
علوة
صباح الورد يا علوه
انا جايه اهه
Post a Comment